молитвенник, сборник молитв, молитвы на каждый день, молитвы против недугов, это должен знать каждый, православная литература, архив mp3, редкие молитвы, православные посты, просьбы о помощи, vjkbndtyybr, ghfdjckfdbt, православие

» » Акафист праведной Иулиании Лазаревской
Акафист праведной Иулиании Лазаревской


Акафист праведной Иулиании Лазаревской


День памяти:

15 января (н.ст.)

 

 

Тропарь, глас 4

Просветившися Божественною благодатию, и по смерти светлость жития твоего явила еси: источаеши бо миро благовонное всем болящим на исцеление, с верою приходящим к мощем твоим, праведная мати Иулиание, Христа Бога моли спастися душам нашим.

 

Кондак, глас 8

Скоропослушливую помощницу вси, сущии в бедах и болезнех, воспоем Иулианию святую, та бо в мире богоугодно поживе и милостыню к нищим безмерну показа, сего ради обрете благодать чудес Божиим велением.

 

Кондак 1

Избранная Богом, праведная и милостивая Иулиание, в земли Муромстей яко звезда пресветлая возсиявшая, нищих питательнице и о людех ко Христу Богу молитвеннице, прославляюще прославльшаго тя Господа, похвальными песньми воспоим тя, образ подвига духовнаго всем женам показавшую. Ты же, яко имущая дерзновение ко Господу, молитвами твоими от всяких бед освободи нас, с любовию зовущих: Радуйся, милостивая Иулиание, жен благочестивых похвало и украшение.

 

Икос 1

Ангельское иноческое житие от юности возлюбила еси, блаженная Иулиание, и Богу единому поработати всем сердцем возжелала еси. Обаче смотрением Своим ин путь спасения предустави тебе Господь, еже в брацечестнем святым житием Ему угодити. Сего ради, егда достигла еси возраста брачна, вдана была еси мужу добродетельну и богату, именем Георгию, и венчани бысте в церкви праведнаго Лазаря. Тогда вси сродницы супруга дивляхуся разуму твоему, смирению и послушанию. Мы же таковому чудному Промыслу Божию дивящеся, радостно взываем ти:

Радуйся, родителей нищелюбивых Иустина и Стефаниды чадо благословенное.

Радуйся, матере лишившися, вне крова отеческаго в вере и благочестии воспитанная.

Радуйся, звездо пресветлая, в селении Лазареве Богом возжженная.

Радуйся, лилие благоуханная, в тишине лесов муромских возращенная.

Радуйся, сверстником твоим образ благонравия показавшая.

Радуйся, агнице чистая, иноческаго чина измлада искавшая.

Радуйся, послушнице кроткая, Божиею волею мужу врученная.

Радуйся, во смирении и доброделании жизнь свою проводившая.

Радуйся, любовь нелицемерную к Богу и ближним явившая.

Радуйся, Пресвятою Богородицею возлюбленная.

Радуйся, ангельски на земли пожившая.

Радуйся, яко ныне со Ангелы ликуеши в обителех Небесных.

Радуйся, милостивая Иулиание, жен благочестивых похвало и украшение.

 

Кондак 2

Видя враг рода христианскаго твоя благотворения, всенощная бдения и пощения, возжела душу твою смутити страховании. Ты же, мати Иулиание, всю надежду на Бога и Пречистую Его Матерь возложивши, призвала еси на помощь святителя Николая Чудотворца. И явися святый Никола, держа книгу велику, разгна бесы, благослови тя и рече: «Дщи моя, мужайся и крепися, Христос бо мне повеле тя соблюдати от бесов и злых человек». Темже Бога благодарящи, радостно пела еси ангельскую песнь: Аллилуиа.

 

Икос 2

Разум человеческий недоумевает, како ты, блаженная мати, в суете житейстей пребывающи, душею в чертозех Небесных немятежно обитала еси, и богатство изобильное имущи, яко чуждее и Богом тебе врученное восприимала еси; в браце же честнем крест свой понесши, высоту добродетелей показала еси и чада своя в вере и благочестии воспитала еси. Мы же, таковую тебе от Бога данную благодать чтуще, с любовию величаем тя:

Радуйся, с супругом твоим в любви и благочестии пожившая.

Радуйся, молитвою и кротостию мужа твоего спасавшая.

Радуйся, чад твоих в делании добра утвердившая.

Радуйся, богомудрыми глаголы их просветившая.

Радуйся, госпоже милостивая, слугам своим евангельски послужившая.

Радуйся, праведная мати, в мире поживши, святости удостоенная.

Радуйся, явлением святителя Николая обрадованная.

Радуйся, от духов нечистых им спасенная.

Радуйся, бесовская наваждения мужественно претерпевшая.

Радуйся, наветы и козни лукаваго разорившая.

Радуйся, молитвы умиленныя, яко кадило благовонное, Богу приносившая.

Радуйся, в мире живущим ко спасению путеводительнице.

Радуйся, милостивая Иулиание, жен благочестивых похвало и украшение.

 

Кондак 3

Сила Всевышняго дарова тебе крепость в терпении тяжкий свой крест понести, егда чистыя души четырех сынов и двух дщерей твоих, во младенчестве, яко птицы небесныя к Богу возлетеша. Ты же, о богомудрая мати, сама яко горлица Божия, к селениям райским душею устремляющися, за вся благодарила еси Бога и оставшихся в живых чад твоих любовию и молитвою назидала еси, о усопших же с Иовом праведным умильне глаголющи: «Господь даде, Господь отъя. Ныне же чадца моя малая Бога со Ангелы славят, о своих же родителех тепле Его умоляют, от чистых устен приносящи серафимскую песнь: Аллилуиа».

 

Икос 3

Имеющи сердце всех милующее, благодатныя любве преисполненное, воистину мати милостивая, Иулиание, явилася еси во дни Божия посещения земли Муромския тяжким гладом. Ты бо, сама в нужде пребывающи, все имение свое раздала еси, хлебом алчущих питающии милостыни им дающи, и всем страждущим была еси покров и утешение. Темже и мы, милости и заступления твоего просяще в нуждах и печалех наших, вопием из глубины сердечныя:

Радуйся, яко злато в горниле, огнем скорбей и искушений испытанная.

Радуйся, крест твой с терпением и радостию понесшая.

Радуйся, успение близких, яко разлучение краткое приемлющая.

Радуйся, Царства Небеснаго от Господа им просившая.

Радуйся, во дни глада светом любве твоея землю Муромскую озарившая.

Радуйся, хлебом питающи алчущих, от смерти и муких избавлявшая.

Радуйся, милости и любве к страждущим людем преисполненная.

Радуйся, во образе нищия братии милость Христу Богу нашему сотворившая.

Радуйся, сокровище милости неистощимое.

Радуйся, яко имение твое раздавши, обрела еси богатство Небесное.

Радуйся, пище и отрадо алчущих и жаждущих.

Радуйся, спасения многих душ человеческих виновнице.

Радуйся, милостивая Иулиание, жен благочестивых похвало и украшение.

 

Кондак 4

Бурею бед и напастей исполнися отечество наше, егда по грехом своим людие язвою смертною наказани быша и оттого мнози в домех запирахуся, и уязвленных сродников к себе не пущаху, и ризам их не прикасахуся. Ты же, блаженная мати, болящих своима рукама в бане омывающи, молила еси Бога об исцелении их, и аще кто умираше, в вечный покой их провождающи, на погребение сребреники давала еси и многу милостыню и сорокоусты по ним творила еси. Ныне же, приемши от Бога благословенное царство, идеже несть болезнь, ни печаль, ни воздыхание, непрестанно поеши Ему: Аллилуиа.

 

Икос 4

Слышащи о лютейшем убийстве сына твоего, уязвилася еси матерним сердцем, богомудрая Иулиание. Обаче не так о смертию его огорчилася еси, колико о внезапней кончине опечалилася еси; еще о убийце его зело сокрушилася еси. Егда же и другий сын твой возлюбленный убиен бысть в служении ратнем, со слезами умиленными воспоминающи страдания Самаго Христа, в молитвах теплых к Нему укреплялася еси и скорбь свою радостию растворяла еси, яко быти тебе, по слову Апостола, во образ всем верующим. Мы же, вере твоей смиренней дивящеся, с любовию величаем тя:

Радуйся, мати многострадальная, чад твоих усопших в руце Господа вручившая.

Радуйся, убийцу сына твоего, якоже Христос распявших Его, простившая.

Радуйся, иго Христово легкое и благое на себе носившая.

Радуйся, ближния твоя паче себе возлюбившая.

Радуйся, многи скорби с благодарением Богу претерпевшая.

Радуйся, скорбящих радосте и утешение.

Радуйся, терпением и молитвою мира сего злобу побеждавшая.

Радуйся, во единем Господе утешение обретшая.

Радуйся, посетительнице в немощех лежащих.

Радуйся, прибежище наше в скорбех и болезнех.

Радуйся, елей утешения всем плачущим и нуждающимся показавшая.

Радуйся, и сама в скорбех наших сострадати нам могущая.

Радуйся, милостивая Иулиание, жен благочестивых похвало и украшение.

 

Кондак 5

Боготечней звезде явилася еси подобна, град Муром и всю землю нашу благодатию озаряющей, праведная Иулиание, и светиши всем, и наставляеши всех чающих спасение души в мире многомятежнем обрести. Сего ради и нас поучаеши, яко един есть истинный путь ко спасению в мире сем, еже вся с верою, надеждою и любовию терпети Христа ради, воспевая Ему песнь: Аллилуиа.

 

Икос 5

Видя супруг твой, яко жаждеши скрытися от мира в обители иночестей, умоляше тя не оставляти его с пятерицею чад. Ты же, кроткая агнице, волю свою смиренно отсекающи, послушливо рекла еси: «Воля Господня да будет», и паки восприявши данный ти от Бога крест подвига в союзе брачнем, паче умножила еси бдения, посты и молитвы, в церковь ходящи к заутрении к литургии, и дом свой держащи, и вдовам и сиротам помогающи. Мы же, поминающе добродетели твоя, со умилением взываем ти:

Радуйся, любовь твою к Богу любовию к ближним показавшая.

Радуйся, в неустанней молитве дни и нощи проводившая.

Радуйся, родителей супруга твоего любовию и послушанием почтившая.

Радуйся, чадом твоим мати любвеобильная.

Радуйся, образе истиннаго брака христианскаго с супругом твоим явившая.

Радуйся, благочестивым семейством мира и блага подательнице.

Радуйся, воздержания и чистоты истинная хранительнице.

Радуйся, добродетельному и праведному житию наставнице.

Радуйся, яко свято и богоугодно на земли пожила еси.

Радуйся, яко мног плод добродетелей Богу принесла еси.

Радуйся, о всех имя твое призывающих дерзновенная предстательнице.

Радуйся, отечеству твоему пресветлый светильниче.

Радуйся, милостивая Иулиание, жен благочестивых похвало и украшение.

 

Кондак 6

Проповедник жития твоего многоскорбнаго явися твой сын Каллистрат, иже поведа миру тайный и дивный подвиг твой: како ты по преставлении супруга твоего вся яже в мире отвергши, единому Богу возжелела еси угождати, и постящися и милостыню безмерну творящи, сама без теплыя одежды зимою ходила еси, в сапоги босыма ногама обувающися. Темже о тебе, праведная Иулиание, радуется град Муром и светло торжествует Церковь Божия, воспевающе Подвигоположнику Богу песнь: Аллилуиа.

 

Икос 6

Возсия благодать в сердце твоем светом добрых дел, о мати святая. «Не может град укрытися, верху горы стоя», тако и ты, добрым подвигом подвизающися, вместо богатства избравши нищету, вместо покоя труд, молитву и нощная бдения; темже и в чертоги Небесныя с мудрыми девами прията быти сподобилася еси, идеже непрестаеши молитися о всех чтущих память твою и вопиющих тебе тако:

Радуйся, заре тихокрылая, Муромский край осиявшая.

Радуйся, веси Лазаревския покрове богодарованный.

Радуйся, с мудрыми девами елей добрых дел собравшая.

Радуйся, любовь Небесную в себе поистине показавшая.

Радуйся, плоть твою духови покорившая.

Радуйся, нестяжания образ нам явившая.

Радуйся, многими добродетельми душу свою украсившая.

Радуйся, любящих тя неизреченныя радости исполняющая.

Радуйся, Божия избраннице, на высоту совершенства возшедшая.

Радуйся, кроткая голубице, к небесней высоте возлетевшая.

Радуйся, милости великия и сострадания хранительнице.

Радуйся, усердная и благоприятная о душах наших молитвеннице.

Радуйся, милостивая Иулиание, жен благочестивых похвало и украшение.

 

Кондак 7

Хотящи по кончине супруга твоего всею душею Богу послужити, ангельскому житию поревновала еси, праведная Иулиание, подвиги к подвигом прилагала еси, паче же Христу подражающи, во смирении, любви и кротости подвизалася еси, шествующи путем спасения, к горнему Небесному отечеству ведущему, воспевающи непрестанно ангельскую песнь: Аллилуиа.

 

Икос 7

Новое знамение высоты жития твоего показав сех творец и Владыка Господь: одежды бо теплыя нищим раздавши, зимою студеною в церковь ходити престала еси, но в дому возносила еси молитвы к Богу. Во едино же утро пришедый в храм праведнаго Лазаря иерей услыша глас от иконы Божия Матере: «Шед, рцы милостивей Иулиании: что в церковь не ходит на молитву? И домовная ея молитва благоприятна, но не яко церковная. Вы же почитайте ю, уже бо она не меньши шестидесяти лет и Дух Святый на ней почивает». Ты же, милостивая мати, в храм Божий направила еси стопы твоя, с теплыми молитвами лобызающи икону Богоматере и пения молебная возносящи. Сего ради людие верни, радующеся, яко Сама Царица Небесная тако тебе возлюби, прославляху тя сице:

Радуйся, Пресвятою Девою Богородицею возлюбленная.

Радуйся, покровом Ея осененная.

Радуйся, от Божия Матере милостивою нареченная.

Радуйся, не от человек, но от Самыя Богоматере славу приявшая.

Радуйся, Заступницы Усердныя благоговейная почитательнице.

Радуйся, Божия Матере избраннице.

Радуйся, пред иконою Богоматере молитвы теплыя возносившая.

Радуйся, яко роса небесная, благодатиею Божиею напоенная.

Радуйся, Духа Святаго жилище.

Радуйся, по Бозе и Богородице крепкое наше упование.

Радуйся, молитвами и милостынями Богу угодившая.

Радуйся, велие дерзновение к Нему стяжавшая.

Радуйся, милостивая Иулиание, жен благочестивых похвало и украшение.

 

Кондак 8

Странницу и пришелицу в мире сем помышляла еси себе быти, мати Иулиание, темже о богатстве земнем всякое попечение отложивши и сестрам Лазаря праведнаго подражающи, многих нищих, недужных и сирых питала еси, в ихже лице Самому Христу служила еси, яко Марфа о них пекущися, духом же Мариину часть возлюбила еси. Ныне же обитаеши со Ангелы во славе вечней и поеши во гласе радования победную песнь Христу Богу: Аллилуиа.

 

Икос 8

Всяземля Муромская скорби и плача исполнися во времена глада великаго, и множество людей неисчетно гладом изомроша. Ты же, милостивая Иулиание, все имение твое распродавши на жито, милостыню давала еси, и ни единаго от просящих не отпустила еси тща. Егда же иссяче зерно в дому твоем, повелела еси слугам твоим собирати лебеду и кору древяную, хлебы из них творящи, и молитвами твоими бысть хлеб сладок. Сего ради с любовию величаем тя:

Радуйся, страннице, горняго отечества искавшая.

Радуйся, скорби многия благодушно претерпевшая.

Радуйся, бедствующим скорая помощнице.

Радуйся, нищим и убогим благосердая попечительнице.

Радуйся, вся имения своя, по слову Господа, раздавшая.

Радуйся, ближним и дальним милостивно благотворившая.

Радуйся, сосуде честный, елей милости Божия в нем храняй.

Радуйся, теплотою любве твоея нас согревающая.

Радуйся, призывающим тя усердная заступнице.

Радуйся, в печалех и злостраданиих сущим незримая предстательнице.

Радуйся, милостынею и подвиги духовными Небесное Царствие стяжавшая.

Радуйся, милостыню творити и нас научающая.

Радуйся, милостивая Иулиание, жен благочестивых похвало и украшение.

 

Кондак 9

Всякое естество человеческое и ангельское удивися великим твоим подвигом, праведная Иулиание, яко на земли равноангельное житие показала еси, дом Духа Святаго была еси и милостынями многими благодать обрела еси у Бога, рекшаго: «Блажени милостивии, яко тии помиловани будут». Темже ныне светлая твоя душа со Ангелы водворяется, воспевающи укрепившему тя Богу благодарную песнь: Аллилуиа.

 

Икос 9

Ветии многовещаннии недоумеют по достоянию восхвалити дела твоя, яже творила еси на земли. Егда же приближися преставление твое, тогда призвала еси, мати блаженная, чад твоих, наказующи их и глаголющи: «Чада, подвизайтеся и любовь имейте между собою, якоже Христос возлюби нас»; и обвивши четки вокруг руки своея, рекла еси: «Слава Богу всех ради! В руце Твои, Господи, предаю дух мой», - и предала еси святую свою душу в руце Божии, и вси собравшиися видеша у главы твоея круг злат, яко на иконах святых пишется. Мы же, почитающе блаженную твою кончину, воспеваем тя:

Радуйся, от юности твоея Господа всем сердцем возлюбившая.

Радуйся, верность Ему до конца сохранившая.

Радуйся, посреде мира богоугодно пожившая.

Радуйся, милостынями и молитвами Богу угодившая.

Радуйся, свято и преподобно жизнь земную скончавшая.

Радуйся, венец безсмертия от Господа приявшая.

Радуйся, преселившаяся от земли к обителем Небесным.

Радуйся, к лику святых жен тамо приобщившаяся.

Радуйся, угоднице Божия, дивным житием твоим яко солнце сияющая.

Радуйся, чудесы твоими от Бога прославленная.

Радуйся, яко предстательством твоим у Христа Бога вечное спасение нам подаеши.

Радуйся, яко фимиам молитв твоих о всех девах и женах Ему приносиши.

Радуйся, милостивая Иулиание, жен благочестивых похвало и украшение.

 

Кондак 10

Спасти хотящи душу твою, милостивая Иулиание, шествовала еси путем узким и прискорбным, и тако Царствие Небесное унаследовала еси и скончалася еси яко истинная ученица Христа Бога, заповеди Его исполнивши: с плачущими в покаянии утешение себе обрела еси, кротостию ко всем землю кротких наследовала еси, нищелюбием и милостынями помилование от Господа получила еси, чистотою сердца Бога зрети сподобилася еси, Емуже со всеми святыми ныне поеши победную песнь: Аллилуиа.

 

Икос 10

Стена необоримая явилася еси верным, к скорому твоему предстательству прибегающим, егда обретены быша честныя мощи твоя, святая Иулиание. И видеша людие гроб твой полн мира благоуханнаго, и мнози, помазавшеся миром тем, от различных недуг исцеления приимаху. Темже и мы, грешнии, к раце мощей твоих ныне притекающе, молим: заступи и сохрани нас молитвами твоими от искушений искорбей, бед и напастей, да взываем ти:

Радуйся, нетлением мощей твоих от Бога прославленная.

Радуйся, землю нашу сиянием чудес твоих облиставшая.

Радуйся, евангельских заповедей верная исполнительнице.

Радуйся, вечныя радости со Христом причастнице.

Радуйся, нищетою духовною в вертограде Небеснем водворившаяся.

Радуйся, умиленными слезами утешение вечное приявшая.

Радуйся, алкавшая и жаждавшая правды, ныне же райскаго блаженства наслаждающаяся.

Радуйся, духом кротости землю обетования наследовавшая.

Радуйся, яко милосердия делами милостивых блаженство от Господа получила еси.

Радуйся, яко чистым сердцем Бога ныне лицем к лицу зриши.

Радуйся, терпением правды ради в Царство Небесное вшедшая.

Радуйся, яко мзда твоя многа на Небеси.

Радуйся, милостивая Иулиание, жен благочестивых похвало и украшение.

 

Кондак 11

Пение всеумиленное с верою и любовию приносим ти, преведная Иулиание, славим и величаем прославльшаго тя и дивнаго во святых Своих Бога нашего, даровавшаго нам таковую милостивую предстательницу и целительницу недугов, и молимся тебе: сохрани во всяком благополучии и чистоте люди православныя и соблюди нас от всякаго злаго обстояния, да мирно и безмятежно в державе нашей жительствующе, благодарне воспеваем Богу: Аллилуиа.

 

Икос 11

Возсияла еси, яко светильник, поставленный непод спудом, но на свещнице, исполнен елея веры, надежды и любве, наипаче же христианскаго терпения, милосердия и воздержания, не точию в земли Муромстей, но и всю богоспасаемую страну нашу осветила еси лучами твоего богоугоднаго жития и многими чудесы исцеления источаеши от нетленных мощей твоих, утешающи и радость дарующи всем верным, вопиющим тебе таковая:

Радуйся, звездо небосветлая, в земли Муромстей воссиявшая.

Радуйся, светозарное светило, всю страну нашу осветившее.

Радуйся, града Мурома духовное сокровище.

Радуйся, веси Лазоревския неотступная хранительнице.

Радуйся, светильниче света небеснаго, путь к Царствию Божию нам указуяй.

Радуйся, светлостию чудес твоих мрак душ наших озаряющая.

Радуйся, во тьме неверия блуждающим путеводительнице.

Радуйся, яко и нас благодатным светом просвещаеши.

Радуйся, души и телеса наша благодатию Божиею исцеляющая.

Радуйся, заступнице милостивая и неусыпающая хранительнице наша.

Радуйся, свеще неугасимая, любовию к Богу возжженная.

Радуйся, любящим и чтущим тя сугубо любовию воздающая.

Радуйся, милостивая Иулиание, жен благочестивых похвало и украшение.

 

Кондак 12

Благодать, данная ти от Бога, целити недуги душевныя и телесныя, созывает верных к раце мощей твоих, пред ними бо малое моление приносяще, велию благодать от Господа получаем. Темже молим тя: пролей ныне теплую молитву ко Господу, да укрепит Церковь Святую, да утвердит страну нашу и веру Православную в ней сохранит; умоли Христа Бога нашего, да возгорятся светильницы наши от елея добрых дел, и помози всем девам и женам отчизны нашея срести Господа и удостоитися одесную Него стояти и славити Его во веки ангельскою песнию: Аллилуиа.

 

Икос 12

Поюще и превозносяще Всемилостиваго Бога, даровавшаго нам тебе, милостивая мати Иулиание, прославляем дела милосердия и подвиги твоя, ими же Господа на земли прославила еси, хвалим ревность твою по Богу, любовь к Пречистей Его Матери, ублажаем служение твое нищим, болящим и убогим, славим кротость твою, величаем смиренномудрие твое и почитаем святую память твою, со умилением воспевающе тебе тако:

Радуйся, в вышних Престолу Божию со Ангелы предстоящая.

Радуйся, яко со избранными Его во обителех райскихторжествуеши.

Радуйся, с преподобными и праведными венцем безсмертия увенчанная.

Радуйся, всего богосветлаго лика святых жен собеседнице.

Радуйся, Церкве Христовы славо и украшение.

Радуйся, цвете благоуханный земли нашея.

Радуйся, во свете невечернем обитающая.

Радуйся, душетленных недугов тьму отгоняющая.

Радуйся, безнадежных страдальцев богодарованная целительнице.

Радуйся, бесноватых от насилия диавола свободительнице.

Радуйся, истинныя любве к Богу наставнице.

Радуйся, всем христианом земли нашея благодатное утешение.

Радуйся, милостивая Иулиание, жен благочестивых похвало и украшение.

 

Кондак 13

О пречудная и милостивая голубице, святая праведная Иулиание, приими ныне малое сие моление наше и вознеси его ко Христу Богу нашему; испроси нам у Всемилостиваго Спаса утверждение в вере и добрых делех, избавление от всех бед и напастей в жизни сей, во успении же нашем благую надежду на спасение, да сподобимся в радости вечней воспевати Ему: Аллилуиа.

 

(Этот кондак читается трижды, затем икос 1 и кондак 1)

 

Молитва

Утешение наше и похвало, Иулиание, голубице богомудрая, яко финикс преславнопроцветшая, криле добродетелей священне и посребренне имущая, имиже на высоту Царствия Небеснаго возлетела еси! Похвальная пения памяти твоей радостно днесь приносим, понеже Христос нетлением чудесным тя увенча и благодатию исцелений тебе прослави. Зане любовию Христовою уязвившися, от младости чистоту душевную и телесную хранила еси, пост же и воздержание возлюбила еси, имиже помогающей ти благодати, вся страсти мира сего попрала еси, и, яко пчела, мудроцвет добродетелей изыскавши, пресладкий мед Святаго Духа в сердце свое вселила еси, и, еще во плоти бывши, посещения Богоматере сподобилася еси. Прилежно убо тя молим: молися, госпоже, да подаст нам в Троице славимый Бог твоими молитвами многолетно здравие же и спасение, тишину и изобилие плодов земных и на враги победы и одоления. Сохрани предстательством твоим, преподобная мати, страну нашу и град сей и вся грады и страны христианския неврежденны от всех навет и козней вражиих. Помяни, госпоже, убогия рабы твоя, днесь в молитве тебе предстоящия, чрез все житие свое паче всех человек прегрешившия, обаче теплое покаяние о сих приносящия и твоими к Богу молитвами оставление грехов получити просящия, яко да греховных страстей свободившеся, благодарственное пение тебе приносити присно потщимся и прославим всех благих Подателя Бога, Отца и Сына и Святаго Духа, ныне и присно и во веки веков. Аминь.

 

ЖИТИЕ

Родилась Иулиания в 30-е годы XVI в. в г. Плосне у благочестивых дворян Иустина и Стефаниды Недюревых. Шести лет она осталась круглой сиротой. Бабушка с материнской стороны взяла девочку к себе в город Муром. Через 6 лет умерла и бабушка, завещав своей дочери, уже имевшей 9 детей, взять на воспитание 12-летнюю сироту.

Иулиания пользовалась любой возможностью помочь другим. Она избегала детских игр и забав, предпочитая пост, молитву и рукоделие, чем вызывала постоянные насмешки сестер и слуг. Она привыкла подолгу молиться со множеством поклонов. Кроме обычных постов налагала на себя еще более строгое воздержание. Родственники были недовольны, боялись за ее здоровье и красоту. Иулиания терпеливо и кротко переносила упреки, но продолжала свой подвиг. Ночами Иулиания шила, чтобы одевать сирот, вдов и нуждающихся, ходила ухаживать за больными, кормила их.

Слава о ее добродетелях и благочестии разнеслась по окрестностям. К ней посватался владелец села Лазаревское, что неподалеку от Мурома, Юрий Осорьин. Шестнадцатилетняя Иулиания была выдана замуж за него и стала жить в семье мужа. Родители и родственники мужа полюбили кроткую и приветливую невестку и вскоре поручили ей ведение хозяйства всей многочисленной семьи. Она окружила старость родителей мужа неусыпной заботой и лаской. Дом вела образцово, вставала с зарей, ложилась спать последней.

Домашние заботы не прервали духовного подвига Иулиании. Каждую ночь она вставала на молитву со множеством поклонов. Не имея права распоряжаться имуществом, всякую свободную минуту и многие ночные часы занималась рукоделием, чтобы на полученные средства творить дела милосердия. Искусно вышитые пелены Иулиания дарила в храмы, а остальную работу продавала, чтобы деньги раздать нищим. Благодеяния она совершала тайно от родных, а милостыню посылала по ночам с верной служанкой. Особенно заботилась она о вдовах и сиротах. Целые семьи кормила и одевала Иулиания трудами рук своих.

Имея множество слуг и дворни, она не позволяла одевать и разувать себя, подавать воду для умывания; была со слугами неизменно приветлива, никогда не доносила мужу об их поступках, предпочитая брать вину на себя.

Бесы пригрозили Иулиании во сне, что погубят ее, если она не прекратит благодеяний людям. Но Иулиания не обратила внимания на эти угрозы. Она не могла проходить мимо человеческого страдания: помочь, порадовать, утешить было потребностью ее сердца. Когда наступило голодное время и множество людей умирало от истощения, она, вопреки обычаю, стала брать у свекрови значительно больше пищи и тайно раздавала голодным. К голоду присоединилась эпидемия, люди запирались в домах, боясь заразиться, а Иулиания тайком от родных мыла в бане больных, лечила их, как умела, молилась об их выздоровлении. Тех, кто умирал, она обмывала и нанимала людей для погребения, молилась об упокоении каждого человека. Будучи неграмотной, Иулиания изъясняла Евангельские тексты и духовные книги. И мужа своего она приучила к частой и теплой молитве. Свекор и свекровь ее умерли в глубокой старости, приняв перед кончиной постриг. Иулиания прожила с мужем в согласии и любви много лет, родила десять сыновей и трех дочерей. Четверо сыновей и две дочери у мерли в младенчестве, а два сына погибли на царской службе. Преодолевая скорбь сердца, Иулиания так говорила о смерти детей: «Бог дал, Бог и взял. Ничтоже искуса греховна не сотвори, и души их со Ангелы славят Бога и о родителях своих Бога молят».

После трагической смерти двух сыновей Иулиания стала проситься отпустить ее в монастырь. Но муж ответил на это, что она должна воспитать и вырастить остальных детей. Всю жизнь Иулиания забывала себя ради других, поэтому и на этот раз она согласилась, но упросила мужа, чтобы им не иметь супружеских отношений, и жить как брат с сестрой. Это был рубеж в жизни праведной Иулиании. Она еще более увеличила свои подвиги и стала вести монашескую жизнь. Днем и вечером занималась хозяйством и воспитанием детей, а ночами молилась, делала множество поклонов, сократив сон до двух-трех часов; спала на полу, положив под голову поленья вместо подушки, ежедневно посещала богослужения в храме, держала строгий пост. Жизнь ее стала непрестанной молитвой и служением.

По болезни и усталости Иулиания одно время перестала часто ходить в храм, увеличив домашнюю молитву. Она была прихожанкой церкви святого Лазаря брата святых Марфы и Марии. Священник этой церкви услышал в храме голос от иконы Божией Матери: «Пойди и скажи милостивой Иулиании, очего она не ходит в церковь? И домашняя ее молитва угодна Богу, но не так, как церковная. Вы же почитайте ее, ей уже 60 лет и на ней почивает Дух Святой». После смерти мужа Иулиания раздала свое имущество бедным, лишив себя даже теплой одежды. Она стала еще более строгой к себе; постоянно, даже во сне творила Иисусову молитву. Чем суровее становились подвиги Иулиании, тем сильнее были нападения на нее духов злобы, не желавших признать своего поражения. Однажды, повествует ее сын, Иулиания, придя в маленькую комнату, подверглась нападению бесов, угрожавших убить ее, если она не оставит своих подвигов. Она не устрашилась, а только взмолилась Богу и просила послать святителя Николая на помощь. В то же время явился ей святитель Николай с палицей в руке и прогнал духов нечистых. Бесы исчезли, но один из них, угрожая подвижнице, предрек ей, что в старости она сама начнет «голодом помирать, нежели чужих людей кормить».

Угроза беса исполнилась лишь отчасти. Иулиании, действительно, пришлось страдать от голода. Но ее любящее и сострадательное сердце не могло оставить умирающих от голода без помощи. Это было в страшное голодное время 1601-1603 гг. Люди, обезумевшие от голода, ели даже человеческое мясо. С полей своих Иулиания не собрала ни зерна, запасов не было, скот пал почти весь от бескормицы. Иулиания не отчаялась: распродала оставшийся скот и все ценное в доме. Жила в нищете, не в чем было в церковь выйти, но «ни едина нища не отпусти тща». Когда все средства истощились, Иулиания отпустила на волю своих слуг, но некоторые из них не пожелали оставить госпожу, предпочитая погибнуть вместе с ней. Тогда Иулиания со свойственной ей энергией принялась спасать близких от голодной смерти. Она научила своих слуг собирать лебеду и древесную кору, из которых пекла хлеб и кормила им детей, слуг и нищих. Окрестные помещики с упреком говорили нищим: «Зачем вы заходите к ней? Чего взять с нее? Она и сама помирает с голоду». Нищие говорили им: «А мы вот что скажем: много обошли мы сел, где нам подавали настоящий хлеб, да и он не елся нам так всласть, как хлеб этой вдовы». Тогда соседи помещики начали подсылать к Иулиании за ее диковинным хлебом. Отведав его, они находили, что нищие были правы, и с удивлением говорили между собой: «Мастера же ее холопы хлебы печь!».

Иулиании приходилось бороться не только с опасностью смерти, спасая своих слуг и близких, но и с еще более страшной опасностью духовной гибели. Ужасна власть голода. Чтобы добыть пищи, люди шли на любое преступление. Иулиания любила своих слуг и считала себя ответственной за их души, которые по ее словам, были поручены ей Богом. Как воин на поле битвы, она непрестанно боролась со злом, и так сильна была ее молитва и влияние на окружающих, что ни один из близких ей людей не запятнал себя преступлением, во время общей разнузданности это было настоящим чудом.

От нее не слышали ни слова ропота, печали, напротив, все три голодных года она была в особом приподнятом и радостном настроении: «Ни опечалися, ни смутися, ни поропта, но паче первых лет веселабе», пишет ее сын.

Жизнь Иулиании - подвиг жертвенной любви, до конца отдающей себя людям. Никакие земные блага лично ей были совершенно не нужны, но она знала, что без этих благ людям не прожить и потому жила для других, забывая о себе. Перед кончиной Иулиания призналась, что давно желала ангельского образа, но не сподобилась ради грехов своих. Она попросила у всех прощения, дала последние наставления, поцеловала всех, обвернула вокруг руки четки, трижды перекрестилась, и последними ее словами были: «Слава Богу за все! В руки Твои, Господи, предаю дух мой». Присутствовавшие при кончине видели, как вокруг головы ее появилось сияние в виде золотого венца «яко же на иконах пишется». Произошло это 10 января 1604 года. Явившись во сне благочестивой служанке, Иулиания повелела отвезти свое тело в Муромскую землю и положить в церкви святого праведного Лазаря. В 1614 году, когда копали землю рядом с могилой Иулиании для ее умершего сына Георгия, были обретены мощи Святой. Они источали миро, от которого шло благоухание, и многие получали исцеления от болезней, особенно больные дети. Чудеса на могиле праведницы свидетельствовали, что Господь прославил смиренную рабу Свою. В том же 1614 г. святая праведная Иулиания была причислена к лику Святых.



Нашли ошибку? Выделите её и нажмите Ctrl+Enter           


Может быть интересным



Реклама


Реклама


Информация
Посетители, находящиеся в группе Гости, не могут оставлять комментарии к данной публикации.

управление размером текста

Α + Увеличить | α - Уменьшить

разделы сайта

обратите внимание

ThePrayerBook.info - Молитвенник также (паралельно) доступен и по короткому адресу pb.pe

Админситарция сайта ищет соавторов для дальнейшего ведения сайта. Желающим обращаться через форму обратной связи

опрос

Сколько Вам лет ?

Все опросы

Реклама